Я пачакаю

Я ПАЧАКАЮ

Нічога не вяртаецца назад.
Ні гэты міг, ні гэты дзень, - я знаю.
Ты адыходзіш ціха ў снегапад.
А я люблю весну. Я пачакаю.
Разрыў трава. Нязбітая раса.
Халодны ветах блудзіць каля гаю.
І наша сцежка жытам парасла.
А я люблю жніво. Я пачакаю.
Ідуць дажджы - хоць з хаты не вылазь,
Бяссонны год, як лён перабіраю.
На туфельках, на белым плацці - гразь.
Я не люблю слаты. Я пачакаю.

Я. Янішчыц

http://rv-blr.com/vershu/vershu_poeta/34