Сайт Джона Кунстадтэра, які здымае Бларускую вёску - http://radzimaphoto.com/



У 2005 годзе Джон Кунстадтэр пайшоў у адстаўку з амэрыканскай дыпляматычнай службы, падчас якой працаваў тры тэрміны ў Турцыі, у Баўгарыі, у Дзярждэпартамэнце ў якасьці рэфэрэнта па Тунісе, старэйшага рэфэрэнта па Эстоніі, Латвіі і Літве, намесьніка кіраўніка аддзела Цэнтральнай Азіі, у Нью-Ёрку ў Сталай місіі ЗША ў ААН, а таксама ў Беларусі ў якасьці намесьніка амбасадара ў 2000‐2001 гг. Цяпер ён увесь свой час прысьвячае фатаграфіі. Пэрсанальныя выставы прайшлі ў Вашынгтоне (1997), Анкары (2000, 2002, 2003, 2005), Гародні (2008), Паставах (2008), і ў ААН у Нью-Ёрку супольна са Сталым прадстаў ніцтвам Беларусі ў ААН. Ён таксама ўдзельнічаў у трох супольных выставах у Нацыянальнай бібліятэцы Беларусі (2006-2007) і перадаў сэрыю фатаздымкаў амбасадзе Беларусі ў Анкары для доўгатэрміновага карыстаньня.